കൊച്ചി : കൊച്ചിയിൽ ചേർന്ന കേരളത്തിലെ വിവിധ കർഷക പ്രസ്ഥാനങ്ങളുടെ നേതൃ സമ്മേളനം സെന്റർ ഫോർ ഫാർമേഴ്സ് ഗൈഡൻസ് ആൻഡ് റിസർച്ചിന് രൂപം കൊടുത്തു. പി സി ജോസഫ് എക്സ് എം എൽ എ ചെയർമാനും , മാനുവൽ തോമസ് എക്സിക്ക്യൂട്ടീവ് സെക്രട്ടറിയുമായി നിയമിക്കപ്പെട്ടു .
ഇൻ ഫാം , ഹൈറേഞ്ച് സംരക്ഷണ സമിതി , പശ്ചിമഘട്ട ജന സംരക്ഷണ സമിതി , കുട്ടനാട് വികസന സമിതി , കേരള സ്വതന്ത്ര മത്സ്യത്തൊഴിലാളി ഫെഡറേഷൻ , ദേശീയ കർഷക സമാജം , സനാതനം കർഷക സമിതി , കർഷക വേദി ,വെസ്റ്റേണ് ഘട്ട് പീപ്പിൾസ് പ്രൊട്ടക്ഷൻ കൗണ്സിൽ , പരിയാരം കർഷക സമിതി , ദേശീയ കർഷക സമിതി , തീരദേശ പ്രസ്ഥാനമായ കടൽ , കാഞ്ഞിരപ്പുഴ മലയോര സംരക്ഷണ സമിതി , കേരള കർഷക സംഘം , സംസ്ഥാന ഇ എഫ് എൽ പീഡിത കൂട്ടായ്മ എന്നീ കർഷക സാമൂഹ്യ പ്രസ്ഥാനങ്ങളാണ് ഈ സെന്ററുമായി ബന്ധപ്പെട്ടുള്ളത് . കേന്ദ്ര സംസ്ഥാന സർക്കാരുകളുടെ കർഷക സംബന്ധ നിയമങ്ങൾ, ഓർഡിനൻ സുകൾ , ഓർഡറുകൾ, വിവിധ കാർഷിക പദ്ധതികൾ എന്നിവയെക്കുറിച്ച് സമഗ്രമായി പഠിക്കുകയും വിലയിരുത്തുകയും ചെയ്ത കർഷക പ്രസ്ഥാനങ്ങൾക്ക് മാർഗ്ഗ നിർദ്ദേശം നല്കുകയാണ് സെന്റർ ഫോർ ഫാർമേഴ്സ് ഗൈഡൻസ് ആൻഡ് റിസർച്ചിന്റെ ലക്ഷ്യം .